Беларуская валютна-фондавая біржа рыхтуе да запуску фінансавы маркетплэйс. Як піша «Эканамічная газета», гэта адбудзецца 15 снежня — з гэтага дня карыстальнікі змогуць здзяйсняць тут рэальныя ўгоды. Прадпрыемствам дзякуючы платформе будзе прасцей прыцягваць інвестыцыі для развіцця бізнесу, а грамадзянам — інвеставаць свае грошы і атрымліваць дадатковы даход.
Беларуская валютна-фондавая біржа рыхтуе да запуску фінансавы маркетплэйс. Як піша «Эканамічная газета», гэта адбудзецца 15 снежня — з гэтага дня карыстальнікі змогуць здзяйсняць тут рэальныя ўгоды. Прадпрыемствам дзякуючы платформе будзе прасцей прыцягваць інвестыцыі для развіцця бізнесу, а грамадзянам — інвеставаць свае грошы і атрымліваць дадатковы даход.
Па словах Андрэя Аўхіменя — старшыні праўлення БВФБ, які прэзентаваў маркетплэйс на нядаўнім форуме «БАНКІТ-2025», ужо на старце тут плануюцца першасныя размяшчэнні акцый і аблігацый беларускіх прадпрыемстваў. У 2026 годзе з’явяцца банкаўскія і страхавыя прадукты. У перспектыве на маркетплэйсе плануецца аб’яднаць усе фінансавыя паслугі краіны, каб бізнес атрымаў новы канал прыцягнення капіталу. Аўхіменя адзначыў, што ў выкарыстанні платформы зацікаўлены каля 85% банкаў, якія ўдзельнічалі ў апытанні па тэме.
Пасля запуску карыстальнікі змогуць адкрываць рахункі на біржы і рахункі дэпо для аперацый з каштоўнымі паперамі на фінансавым рынку, а таксама пераводзіць сродкі на гандлёвы рахунак на маркетплэйсе для куплі акцый і аблігацый. Тэарэтычна на маркетплэйсе могуць быць размешчаны акцыі расійскіх эмітэнтаў, таму што закон гэта не забараняе, але ўнутраны фінансавы рынак яшчэ недастаткова глыбокі і ёмісты, таму замежных эмітэнтаў на маркетплэйс вырашана пакуль не пускаць.
Кошт паслуг платформы не фіналізаваны. «Камісіі будуць, але ці будуць яны адносіцца на нашых грамадзян, мы пакуль не вызначыліся», — патлумачыў Аўхіменя. Але запэўніў, што сістэма манетызацыі маркетплэйса будзе такой, каб ён быў максімальна прывабным для грамадзян.
«Мы павінны павысіць даступнасць усіх фінансавых паслуг у кожным кутку нашай цудоўнай Беларусі. Гэта асноўная задача», — падкрэсліў Аўхіменя. Па яго словах, у рэгіёнах людзі часта ведаюць толькі два-тры банкі ды адну страхавую кампанію. Маркетплэйс павінен пашырыць іх уяўленне аб фінансавых магчымасцях.
Рэлацыраваліся? Цяпер вы можаце каментаваць без верыфікацыі акаўнта.