Стартап беларусаў набыў музычную платформу

GRAI заснавалі беларусы Ілья Лесун, Дзмітрый Камароўскі і Андрэй Аўсіевіч. Да гэтага яны працавалі над відэарэдактарам Vochi, які быў прададзены Pinterest. У красавіку GRAI прыцягнуў $9 млн.

GRAI мае намер пашыраць партнёрскія адносіны, якія Hangout наладзіла з лейбламі, музычнымі выдавецтвамі і арганізацыямі па калектыўным кіраванні правамі. Разам яны хочуць стварыць платформу новага пакалення для сацыяльнага музычнага стрымінгу.

ІІ-стартап з беларускімі каранямі GRAI прыцягнуў $9 млн у пасяўным раундзе

Па тэме

ІІ-стартап з беларускімі каранямі GRAI прыцягнуў $9 млн у пасяўным раундзе

Паводле заснавальніка Hangout Джозефа Перла, праект імкнецца выправіць недахопы анлайн-прасторы. З яго дапамогай хацелі ўзнавіць атмасферу, калі сябры сядзяць на падлозе ў пакоі і перадаюць адзін аднаму пласцінкі, ператвараючы праслухоўванне музыкі ў калектыўны досвед. Інтэграцыя гэтых напрацовак у GRAI дапаможа ўвасабляць у жыццё ідэю пра важнасць чалавечых зносін.

Андрэй Аўсіевіч адзначыў, што вырас за кулісамі опернага тэатра, дзе спяваў ягоны дзед, таму для яго музыка заўсёды была звязана з людзьмі. «Джозеф і ягоная каманда стварылі прадукт, які паказаў, наколькі моцна людзі хочуць аб’ядноўвацца вакол музыкі і не проста ўзнаўляць яе, а ўзаемадзейнічаць з ёй больш актыўна. Мы падзяляем гэты погляд. Будучыня стрымінгу — за сацыяльным узаемадзеяннем і сумеснай творчасцю. Для гэтага патрабаваліся толькі дзве рэчы: попыт і тэхналогіі. Дзякуючы сучаснаму ШІ цяпер ёсць і тое і другое», — кажа ён.

У жніўні GRAI стала адной з двух першых кампаній, якія атрымалі ліцэнзію на патэнты Music IP Holdings. Гэтыя патэнты рэгулююць выкарыстанне запісанай музыкі ў спалучэнні з тэхналогіямі ШІ ад аўтарызацыі да выплат.

У хуткім часе чакаецца публічны запуск GRAI — ужо адкрыты запіс у ліст чакання.

Фаундар Vochi узначаліў новы ІІ-стартап

Па тэме

Фаундар Vochi узначаліў новы ІІ-стартап