Аддзел навін bel 14 красавіка 2025, 10:28

Стартап Playfood з беларускім каранямі прыцягнуў €1 млн

Стартап Playfood з беларускім каранямі прыцягнуў раўнд на €1 млн. Навіной падзяліўся ў сваім LinkedIn Кірыл Волашын.

Playfood прапануе комплекснае SaaS-рашэнне для запуску сэрвісаў дастаўкі ежы. Яно арыентаванае на Блізкі Усход і Паўночную Афрыку, а таксама Лацінскую Амерыку. Платформа налічвае 50 партнёраў у 27 краінах.

Лідары стартапа — беларусы Яўген Сусла (заснавальнік) і Андрэй Балаганскі (гендырэктар).

Playfood мае глыбокую інтэграцыю з яшчэ адным першапачаткова беларускім стартапам Onde, які ўзначальвае Яўген. Ён распрацоўвае ride-hailing-рашэнне, якое ўключае мабільную аплікацыю для кіроўцы, пасажыра, панэль дыспетчара і воблачнае сховішча дадзеных.