Стартап Telly распрацаваў 55-цалёвы 4K HDR-тэлевізар. Кампанія плануе раздаць каля 500 тысяч адзінак бясплатна: уся бізнэс-мадэль падтрымліваецца за кошт рэкламы, даных і партнёрскіх прыбыткаў.
Стартап Telly распрацаваў 55-цалёвы 4K HDR-тэлевізар. Кампанія плануе раздаць каля 500 тысяч адзінак бясплатна: уся бізнэс-мадэль падтрымліваецца за кошт рэкламы, даных і партнёрскіх прыбыткаў.
Тэлевізар мае ўбудаваны саўндбар і другі экран, усталяваны пад ім. Рэклама зойме каля чвэрці другога экрана, а астатняя частка будзе выкарыстоўвацца для размяшчэння інфармацыі і інтэрактыўных функцый. Падчас прагляду фільмаў і ролікаў ніжняя панэль застаецца падсветленай, але з меншай яркасцю, ніж пры праглядзе сайтаў.
Тэлевізары працуюць з модулем Android TV, які можна падключыць да любога з трох HDMI-уваходаў. АС Telly кіруе толькі рэкламай і інтэрактыўнымі функцыямі. Мадэль мае мікрафон і камеру для гутарак у відэачатах. Бізнэс-мадэль мае на ўвазе, што карыстальнікі адмаўляюцца ад некаторай канфідэнцыйнасці даных. Для рэгістрацыі ў спісе чакання ёсць шэраг пытанняў пра асабістае жыццё.
Заснавальнік і генеральны дырэктар Telly Ілля Позін заявіў, што даныя будуць выкарыстоўвацца для прыняцця рашэння пра тое, хто атрымае тэлевізар у першую чаргу, а таксама для мэтавай рэкламы. «Мы ведаем, дзе вы жывяце, які ваш прыбытак — зразумела, усё гэта ананімізавана. Але мы ведаем, на якой машыне вы ездзіце. Мы ведаем, калі ў вас сканчаецца тэрмін арэнды <…> і гэтак далей», — сказаў ён.
Рэлацыраваліся? Цяпер вы можаце каментаваць без верыфікацыі акаўнта.