Выдаўцы павысілі цэны ў Steam. Гульні падаражэлі да 500%

У кампаніі сцвярджаюць, што выдаўцы па-ранейшаму маюць права самастойна вызначаць цану сваіх гульняў для розных рэгіёнаў, і плануюць часцей абнаўляць рэкамендаваныя цэны ў залежнасці ад эканамічнай сітуацыі ў асобных краінах.

Выдаўцы пачалі павышаць цэны на свае гульні, улічваючы новыя рэкамендацыі Valve. Адной з першых цэны падняла Devolver Digital: гульні студыі падаражэлі адразу ў некалькіх рэгіёнах, уключаючы Аргенціну, Турцыю і Расію.

Карыстальнікі адзначылі, што рэкамендаваныя цэны былі моцна завышаныя. Асабліва рост цэн адзначылі ў Расіі, Турцыі, Аргентыне і Казахстане, месцамі цэны падняліся на 100%, часам дасягаючы нацэнак у 400% і 500%. Усяго Steam падняла цэны для 31 валюты.