На брытанскім страхавым рынку Lloyd’s of London з’явіўся прадукт, які пакрывае шкоду праз збоі ў працы сістэм штучнага інтэлекту, піша Financial Times. Ён можа спатрэбіцца, напрыклад, у выпадку галюцынацый і памылак чат-ботаў.
На брытанскім страхавым рынку Lloyd’s of London з’явіўся прадукт, які пакрывае шкоду праз збоі ў працы сістэм штучнага інтэлекту, піша Financial Times. Ён можа спатрэбіцца, напрыклад, у выпадку галюцынацый і памылак чат-ботаў.
Страхавы поліс распрацаваны стартапам Armilla, у які інвеставаў Y Combinator. Ён пакрывае судовыя выдаткі і магчымую шкоду ў выпадку, калі на яго ўладальніка падае скаргу кліент або іншыя асобы, што пацярпелі з-за дзеянняў ШІ. Андаррайтэрамі выступяць некалькі страхоўшчыкаў Lloyd’s.
Новы поліс з’яўляецца адказам на рост колькасці інцыдэнтаў, звязаных з ШІ. Напрыклад, летась авіякампанія Air Canada мусіла зрабіць зніжку, якую прыдумаў яе чат-бот, банк Virgin Money у студзені апраўдваўся за тое, што яго бот зрабіў заўвагу кліенту за выкарыстанне слова «virgin», а лагістычная кампанія DPD адключыла свайго бота пасля таго, як ён аблаяў кліента і назваў кампанію найгоршай у свеце.
У Armilla адзначаюць, што поліс мог бы спатрэбіцца ў выпадку з канадскай авіякампаніяй, бо бот дапусціў памылку. Там дадалі, што кампаніі змогуць разлічваць на кампенсацыю, калі, напрыклад, іх чат-бот дае карэктную інфармацыю кліентам і супрацоўнікам не заўсёды, а толькі ў 85% выпадкаў.
Рэлацыраваліся? Цяпер вы можаце каментаваць без верыфікацыі акаўнта.