Belka Games цяпер належыць брытанскай кампаніі з офісам у Мінску

Пакупка будзе аплачана напалову грашыма, напалову — акцыямі. AppLovin стане мінарытарным акцыянерам Tripledot, а Tripledot дзякуючы гэтаму істотна пашырыць сваю аўдыторыю і пул талентаў. Але перш здзелка павінна атрымаць ухвалу рэгулятараў.

У выніку Tripledot цяпер належаць 12 студый з офісамі ў 23 гарадах свету, з больш чым 2,5 тысячамі супрацоўнікаў і 25 млн штодзённых актыўных карыстальнікаў. Чакаецца, што гадавы валавы даход Tripledot дасягне прыкладна $2 млрд, што зробіць яе адной з пяці найбуйнейшых незалежных кампаній у свеце ў сферы мабільных гульняў па выручцы.

У Tripledot ужо ёсць офісы ў Лондане, Мінску, Варшаве, Барселоне, Джакарце і Мельбурне. Цяпер да іх далучацца прадстаўніцтвы яшчэ ў 17 гарадах Паўночнай Амерыкі, Еўропы і Азіі.

Сузаснавальник і генеральны дырэктар Tripledot Ліёр Шыф адзначыў, што угода дапаможа пераўтварыць кампанію з амбіцыйнага даганяючага ў глабальнага лідара ў сваёй сферы. «Яна дае нам дадатковы маштаб, дыверсіфікацыю і доступ да найлепшых спецыялістаў на планеце. Мы неверагодна рады вітаць гэтыя цудоўныя каманды ў Tripledot», — адзначыў ён.

AppLovin прыняла рашэнне пазбавіцца ад гульнявых студый, каб цалкам засяродзіцца на рэкламным бізнесе. Кампанія дапамагае распрацоўшчыкам аплікацый зарабляць на рэкламе і прыцягваць новых карыстальнікаў.

$78 млн инвестиций и шестикратный рост: как молодая студия выстрелила на рынке казуальных игр

Па тэме

$78 млн инвестиций и шестикратный рост: как молодая студия выстрелила на рынке казуальных игр