Кампанія Normal Computing паказала першы камп’ютар, які для вылічэнняў выкарыстоўвае тэрмадынамічныя законы. Прылада можа скласці канкурэнцыю квантавым камп’ютарам, распрацоўка якіх дагэтуль буксуе.
Кампанія Normal Computing паказала першы камп’ютар, які для вылічэнняў выкарыстоўвае тэрмадынамічныя законы. Прылада можа скласці канкурэнцыю квантавым камп’ютарам, распрацоўка якіх дагэтуль буксуе.
Заснавальнікі Normal Computing — былыя вядучыя распрацоўшчыкі па штучным інтэлекце і квантавых тэхналогіях з Google Brain і Alphabet X. На думку стваральнікаў, у сферах класічных і квантавых камп’ютараў яшчэ доўга не будзе сур’ёзных прарываў, таму тэрмадынамічны камп’ютар выступае як прамежкавы, або пераходны варыянт.
Кампанія лічыць тэрмадынамічныя працэсы прыдатнымі для камп’ютарных вылічэнняў, паколькі яны звязаныя з выпадковымі працэсамі. Прататып складаецца з матрыцы з паўтаральнай групай элементаў — генератараў з вагальным ёмістасным контурам. Такая структура называецца блокам стахастычнай апрацоўкі.
Контуры зараджаюць кандэнсатар да неабходнага значэння, затым плата прыходзіць у тэрмадынамічную раўнавагу з асяроддзем, у якое яе змяшчаюць. Напрыклад, яе змяшчаюць у вадкасць — і яна павольна астывае. Пасля гэтага адбываецца счытванне значэнняў у элементах матрыцы. Такі падыход дазваляе рабіць разлікі хутчэй, ніж гэта адбываецца на класічных камп’ютарах.
Галоўны навуковы супрацоўнік Normal Computing Патрык Коўлз лічыць, што квантавыя тэхналогіі не апраўдалі чаканняў, паколькі дагэтуль тэхналогія знаходзіцца на стадыі акадэмічных даследаванняў і пакуль не дайшла да камерцыйнага выкарыстання. Кампанія імкнецца дамагчыся «паступовай змены магчымасцяў і эфектыўнасці АІ з дапамогай тэрмадынамічнага стэку», заявіў навуковец.
Рэлацыраваліся? Цяпер вы можаце каментаваць без верыфікацыі акаўнта.