Суд у Бразіліі разблакаваў рахункі X і Starlink пасля аплаты штрафу

Судзейская калегія прызначыла сацсетцы Х штраф у памеры 18,4 мільёна бразільскіх рэалаў (каля $3,3 мільёна). На рахунках кампаніі патрэбнай сумы не аказалася, і тады суд вывеў неабходную суму з рахункаў бразільскай даччынай кампаніі Starlink.

У заяве суда гаворыцца, што з рахунку X было канфіскавана больш за 7,2 мільёна бразільскіх рэалаў ($1,3 мільёна) і з рахунку Starlink каля 11 мільёнаў бразільскіх рэалаў ($2 мільёны). Таксама суд распарадзіўся разблакаваць актывы кампаній, аднак блакаванне X дагэтуль застаецца ў сіле.

Ілан Маск лічыць дзеянні бразільскага суда незаконнымі, а пастановы — вынесенымі без належнай прававой працэдуры. Раней суддзя Аляксандрэ дэ Мараэс запатрабаваў ад сацсеткі прызначыць афіцыйнага прадстаўніка ў краіне, кампанія адмовілася гэта рабіць. Мараэс вынес пастанову аб блакаванні сацсеткі і штрафе ў памеры каля $9 тысяч за спробу абыходу забароны карыстальнікамі.