Тайвань абвінавачвае Кітай у «перавабліванні» талентаў на рынку працэсараў
Улады Тайваня заявілі, што кітайскія вытворцы працэсараў «незаконна перавабліваюць» таленавітых спецыялістаў і крадуць камерцыйныя сакрэты.
Расследаванне Бюро нацыянальнай бяспекі Тайваня выявіла восем кітайскіх кампаній, якія парушылі тайваньскае заканадаўства. Сярод іх — Naura Technology Group Co., найбуйнейшы кітайскі вытворца абсталявання для паўправадніковых мікрасхем.
Згодна з заявай, кампанія Naura незаконна наняла інжынераў, якія займаліся распрацоўкай абсталявання, звязанага з чыпамі. Прадстаўнік Naura адказаў, што офіс кампаніі быў адкрыты ў Тайвані «ў адпаведнасці з мясцовымі законамі і правіламі, і ніякага пераваблівання не было».
Кітай актыўна развівае ўласную індустрыю працэсараў, незалежную ад заходніх паставак, у адказ на намаганні ЗША абмежаваць кітайскія распрацоўкі ў гэтай галіне. Амерыканскі ўрад узмацняе ціск на Японію і Нідэрланды, буйных гульцоў на рынку, прапаноўваючы далучыцца да санкцый супраць КНР.
Читать на dev.by