Апошнія паўтара года гульнявыя кампаніі ва ўсім свеце масава звальняюць супрацоўнікаў. Былы прэзідэнт PlayStation Europe Крыс Дзірынг мяркуе, што гэта натуральная з’ява.
Апошнія паўтара года гульнявыя кампаніі ва ўсім свеце масава звальняюць супрацоўнікаў. Былы прэзідэнт PlayStation Europe Крыс Дзірынг мяркуе, што гэта натуральная з’ява.
Сваім меркаваннем топ-менеджар падзяліўся ў падкасце My Perfect Console. Ён сказаў, што несправядліва лічыць прычынай цяперашніх звальненняў карпаратыўную прагнасць. Такая сітуацыя ў прамысловасці складваецца не першы раз. Як успамінае Дзірынг, у часе працы ў Sony ён заўсёды стараўся знізіць хуткасць наймання новых супрацоўнікаў, так як ведаў, што наперадзе «новы цыкл».
Дзірынг заявіў, што спецыялістам, якія страцілі працу, трэба змірыцца і пачакаць, пакуль усё не наладзіцца.
«Не думаю, што наяўнасць навыкаў у сферы распрацоўкі гульняў прывядзе да пажыццёвай галечы або абмежаванняў. Тут усё яшчэ разгортваюцца падзеі, штосьці накшталт пандэміі. Так што вам трэба прыдумаць, як перажыць гэта. Уладкуйцеся кіроўцам у Uber ці кудысьці яшчэ, знайдзіце таннае жытло, правядзіце год на пляжы. Але сачыце за навінамі і не адставайце, бо, як толькі вы сыдзеце з цягніка, усё стане нашмат складанейшым. […] Я мяркую, што людзям выплацілі нейкую прыстойную выхадную дапамогу, і на той час, калі яна скончыцца… Ну, вы ведаеце, такое жыццё», — цытуе Дзірынга партал app2top.
Паводле даных Game Industry Layoffs, у 2023 годзе гульнявыя кампаніі звольнілі больш за 10,5 тысяч супрацоўнікаў. Ад пачатку 2024-га працы пазбавіліся яшчэ 11,9 тысячы чалавек.
Рэлацыраваліся? Цяпер вы можаце каментаваць без верыфікацыі акаўнта.