TechCrunch пагутарыў з беларускімі заснавальнікамі стартапа Vocal Image, які базуецца ў Эстоніі і дапамагае карыстальнікам палепшыць голас і дыкцыю з дапамогай ШІ. Аднайменная праграма налічвае 4 млн спампоўванняў і 160 тысяч актыўных карыстальнікаў.
TechCrunch пагутарыў з беларускімі заснавальнікамі стартапа Vocal Image, які базуецца ў Эстоніі і дапамагае карыстальнікам палепшыць голас і дыкцыю з дапамогай ШІ. Аднайменная праграма налічвае 4 млн спампоўванняў і 160 тысяч актыўных карыстальнікаў.
Vocal Image прапануе альтэрнатыву заняткам з коўчам па падпісцы. Трэніраваць голас можна дома, «робячы дзіўныя гукі і рухі і пры гэтым адчуваючы сябе ў бяспецы», жартуе кофаўндар Мікалай Лагойка. Ён кажа, што ў дзяцінстве сам сутыкаўся з праблемай — яго дражнілі ў школе з-за маўлення. Выправіць яе дапамагла спявачка Марына Шукюрава. У працэсе з’явілася ідэя праграмы.
У бібліятэцы Vocal Image ёсць скарагаворкі, дыхальныя практыкаванні, парады па жэстыкуляцыі. ШІ дае зваротную сувязь і персанальныя падказкі. Націск робіцца на кар’ерныя мэты: развіццё лідарскіх і прэзентацыйных навыкаў, падрыхтоўку да публічных выступленняў. Таксама ёсць агульныя модулі для павышэння ўпэўненасці ў сабе.
Усе трое фаўндараў — Лагойка, Шукюрава і СТО Мікалай Каралёў родам з Беларусі, але пакінулі краіну пасля пратэстаў 2020 года. Эстонія была абрана з-за камфортнага бізнес-асяроддзя. У Таліне каманда прайшла акселератар Startup Wise Guys і вырасціла гадавую выручку да $6,5 млн пры інвестыцыях менш за $1 млн.
У нядаўнім пасяўным раўндзе Vocal Image прыцягнуў $3,6 млн. Яго ўзначаліў французскі фонд Educapital пры ўдзеле Specialist VC (Эстонія) і Generations Fund (Германія). Сёння ў кампаніі ўжо $12 млн гадавой выручкі і 50 тысяч платных карыстальнікаў. У штаце 20 чалавек, большасць — з’ехаўшыя беларускія айцішнікі.
Стартап плануе пашыраць каманду і спіс даступных моў — зараз, акрамя англійскай, праграма лакалізавана на іспанскую, нямецкую, французскую, украінскую і рускую.
Таксама нядаўна Meta, Hugging Face і Scaleway выбралі Vocal Image адным з пяці пераможцаў European AI Startup Program. У стартапа ёсць канкурэнты — напрыклад, ШІ-трэнер маўлення ёсць у edtech-кампаніі Headway. Але сваёй перавагай ён называе ўласны масіў дадзеных, які цалкам адпавядае GDPR.
Кожны дзень карыстальнікі загружаюць у праграму каля 35 тысяч запісаў. Усяго назапасілася ўжо больш за мільён узораў рэальных галасоў. Іх дапамагае размячаць супольнасць праз функцыю Voice Rating, ацэньваючы, ці гучыць голас «упэўнена» або «па-дзіцячы». Гэта патрэбна, каб алгарытмы больш дакладна давалі парады, а ў будучыні — каб стартап мог выйсці за межы B2C і дапамагаць іншым кампаніям удасканальваць сінтэтычныя галасы.
Релоцировались? Теперь вы можете комментировать без верификации аккаунта.