Паколькі ШІ бярэ на сябе рутынныя задачы, ад інжынераў усё больш патрабаваць будуць не столькі ўменне пісаць код, колькі «густ і здаровае меркаванне», лічыць тэхнічны дырэктар Coinbase Роб Уітоф. Паводле яго, кампаніі патрэбны распрацоўшчыкі, якія здольныя выйсці за межы адной вузкай задачы, зразумець, навошта яны штось робяць, і прымаць больш складаныя стратэгічныя рашэнні.
Паколькі ШІ бярэ на сябе рутынныя задачы, ад інжынераў усё больш патрабаваць будуць не столькі ўменне пісаць код, колькі «густ і здаровае меркаванне», лічыць тэхнічны дырэктар Coinbase Роб Уітоф. Паводле яго, кампаніі патрэбны распрацоўшчыкі, якія здольныя выйсці за межы адной вузкай задачы, зразумець, навошта яны штось робяць, і прымаць больш складаныя стратэгічныя рашэнні.
У Coinbase пад «густам і меркаваннем» разумеюць здольнасць вызначыць, што сапраўды варта ствараць, адрозніць добрае рашэнне ад таго, якое толькі выглядае правільным, і зразумець, калі адказ мадэлі не пасуе. Уітоф адзначае, што для гэтага неабавязкова мець шматгадовы досвед у індустрыі: такое меркаванне можна развіваць рознымі спосабамі, у тым ліку добра ведаючы прадукты Coinbase ці ўдзельнічаючы ў крыптарынку.
Паводле топ-менеджара, цяпер важней не тое, наколькі хутка інжынер піша код ці вырашае алгарытмічныя задачы, а тое, якія кампрамісы ён выбірае і калі разумее, што вынік ШІ не варта прымаць. Таму Coinbase перабудавала тэхнічныя сумоўі: кандыдатаў правяраюць на тое, як яны ставяць задачы перад ШІ, ацэньваюць яго вынікі і выкарыстоўваюць уласнае меркаванне там, дзе мадэль памыляецца. Пры гэтым кампанія не робіць стаўку на веданне нейкага аднаго ШІ-інструмента: праз хуткае развіццё мадэляў ёй важней інжынеры, якія ўпэўнена працуюць з рознымі мадэлямі.
У траўні Coinbase скараціла 14% супрацоўнікаў — каля 700 чалавек. Кампанія тлумачыла рашэнне тым, што ШІ змяняе яе працу. CEO Браян Армстранг тады казаў, што Coinbase будзе пераходзіць да невялікіх каманд і з ШІ інжынеры «за некалькі дзён робяць тое, на што раней сыходзілі тыдні».
Уітоф лічыць, што важнасць меркавання і «густу» будзе расці і далей. Паводле яго, інжынеры складаюць прыкладна палову штату Coinbase, прычым цяпер у кампаніі больш старэйшых і вядучых інжынераў, чым калісь. ШІ дазваляе многім з іх вырашаць за дні задачы, якія раней займалі месяцы ці нават кварталы, таму іх усё часцей падключаюць да абмеркаванняў на больш высокім узроўні.
Цяпер адзін моцны інжынер здольны выконваць працу цэлай каманды, адначасова выкарыстоўваючы мноства ШІ-агентаў. Таму інжынерам даводзіцца не толькі працаваць з кодам, але і ўмець накіроўваць агентаў, каардынаваць людзей і ўзаемадзейнічаць з калегамі з іншых галінаў.
Паводле Уітофа, людзі па-ранейшаму лепш за ШІ разумеюць іншых людзей. Таму ўсё важней становіцца вызначаць патрэбы кліентаў, вырашаць, якія прадукты ствараць і калі іх запускаць. Цяпер нават моцныя каманды трацяць на такія стратэгічныя пытанні толькі каля 20-30% часу. У перспектыве Уітоф чакае, што гэтая доля вырасце да 95%, паколькі ШІ возьме на сябе ўсё больш паўтаральнай працы.
Релоцировались? Теперь вы можете комментировать без верификации аккаунта.