Кампаніі, якія заклікаюць адмовіцца ад лічбавага шуму, асабліва незадаволены засіллем заяваў ад ШІ. Стартап Dumb.co, які прадае кнопачныя «дурафоны», шукаў стажораў, шчыра зацікаўленых ідэяй жыцця ў афлайне. Але сутыкнуўся з патокам суправаджальных пісьмаў, якія выглядалі так, быццам іх цалкам стварыў ChatGPT.
Кампаніі, якія заклікаюць адмовіцца ад лічбавага шуму, асабліва незадаволены засіллем заяваў ад ШІ. Стартап Dumb.co, які прадае кнопачныя «дурафоны», шукаў стажораў, шчыра зацікаўленых ідэяй жыцця ў афлайне. Але сутыкнуўся з патокам суправаджальных пісьмаў, якія выглядалі так, быццам іх цалкам стварыў ChatGPT.
Паводле менеджара па працы з кліентамі Dumb.co Марлі Пелтан-Фуэнтэс, якая курыруе тут праграму стажыровак, такія пісьмы цалкам адарваныя ад «місіі і вышэйшай мэты» кампаніі.
Каб адсякаць паток шаблонаў, кіраўніцтва стартапа дадало ў вакансію патрабаванне высылкі суправаджальных пісьмаў, напісаных ад рукі.
На чатыры напрамкі — маркетынг, бізнес, кліенцкі сервіс і распрацоўку — адклікнулася каля 900 чалавек. Каля 70% кандыдатаў шчыра пісалі ад рукі, сканіравалі і загружалі водгукі. У іх яны адказвалі на пытанні, чаму іх прыцягвае «некарпаратыўны» лад жыцця, чым зацікавіла кампанія і ці карыстаюцца яны самі кнопкавым тэлефонам.
Яшчэ 200-300 чалавек даслалі сапраўдныя папяровыя лісты па пошце. У выніку пасля праверкі водгукаў і 60 суразмоўяў кампанія наняла 10 чалавек.
«Замест сухой фармальнасці мы атрымалі асабістыя гісторыі. Мы здолелі значна лепш зразумець самога чалавека, яго стаўленне да справы і захапленне працай», — адзначае Пелтан-Фуэнтэс.
Сёння кандыдаты ўсё часцей генеруюць рэзюмэ і лісты праз нейрасеткі, а працадаўцы, патанаючы ў тысячы водгукаў, аддаюць першапачатковы адбор алгарытмам. Па сутнасці, «адзін ШІ выбірае іншы ШІ, каб потым перадаць вынік на праверку чалавеку», адзначаюць эксперты. У гэтых умовах і кампаніям, і кандыдатам даводзіцца шукаць новыя спосабы вылучацца, каб прабіцца праз сцяну з алгарытмаў.
21-гадовы Ян-Карла Крокель шукаў стажыроўку некалькі месяцаў пасля ўніверсітэта, але безвынікова — большасць кампаній папросту не адказвалі. З вакансіяй Dumb.co ўсё было інакш, а за тыдзень да гэтага ён якраз аб’явіў сябрам, што пераходзіць на кнопкавы тэлефон.
Напісаць і адсканаваць ліст заняло гадзіну. Але Крокель быў упэўнены, што ягоны водгук дакладна прачытае жывы чалавек, а не адсее бяздушны софт: «Было адчуванне, што нехта рэальна прачытае тое, што я хачу сказаць». На другім этапе суразмоўя заснавальнік кампаніі трымаў ягоны ліст у руках і цытаваў. Для стажора гэта сведчыла пра тое, што яго бачаць і цэняць.
Разбор сотняў рукапісных лістоў заняў у HR больш часу, чым папярэдні прагляд друкаваных файлаў. Але на суразмоўі прыходзілі максімальна ўцягнутыя кандыдаты.
Эксперты мяркуюць, што праз ШІ рынак працы парадаксальным чынам стане больш «чалавечным»: кампаніі і кандыдаты пачнуць часцей вяртацца да афлайн-кантактаў, званкоў і асабістых рэкамендацый.
«Тое, праз што праходзяць мае сябры і я сам, выглядае даволі змрочна. Людзі майго ўзросту хочуць працаваць. Хацелася б, каб больш кампаній зрабілі гэты працэс прасцей», — падсумаваў Крокель.
Рэлацыраваліся? Цяпер вы можаце каментаваць без верыфікацыі акаўнта.