Аддзел навін 25 кастрычніка 2023, 10:21

Telegram рыхтуецца выйсці на біржу

Брокерская кампанія БКС разаслала кліентам прэзентацыю, у якой прапаноўвае купіць на другасным рынку аблігацыі Telegram, выпушчаныя ў 2021 годзе — іх пры IPO можна будзе канвертаваць у акцыі, паведамляе РБК.

1 каментарый

Брокерская кампанія БКС разаслала кліентам прэзентацыю, у якой прапаноўвае купіць на другасным рынку аблігацыі Telegram, выпушчаныя ў 2021 годзе — іх пры IPO можна будзе канвертаваць у акцыі, паведамляе РБК.

Канвертацыя будзе адбывацца з дысконтам: 10% — калі IPO адбудзецца да сакавіка 2024 года, 15% — калі да сакавіка 2025-га і 20% — калі да сакавіка 2026-га. Калі яно не адбудзецца, інвестарам абяцаюць пагасіць аблігацыі ў 2026 годзе.

Асацыяцыя ўладальнікаў аблігацый пацвердзіла РБК атрыманне такой прэзентацыі кліентамі БКС, звярнуўшы ўвагу на ўмовы прапановы. У прэзентацыі гаворыцца, што на момант укладання разліковага кантракта базавы актыў (то-бок аблігацыі Telegram з купонам у 7%) не набыты. У выпадку, калі БКС не атрымаецца набыць базавы актыў, кліентам вернуць грошы з прыбытковасцю ў 3% гадавых.

У 2021 годзе Telegram упершыню размясціў пяцігадовыя аблігацыі і змог прыцягнуць ад інвестараў $1 млрд. У красавіку таго ж года кампанія правяла новае размяшчэнне аблігацый на $750 млн. На той момант IPO планавалася правесці да канца 2021 года. Для размяшчэння Telegram разглядаў адную з азіяцкіх біржавых пляцовак.

З прэзентацыі БКС вынікае, што цяпер стоадсоткавым акцыянерам Telegram застаецца Павел Дураў. Сумарныя даўгавыя забавязанні кампаніі — $2 млрд.