Николай Чикишев 23 верасня 2024, 13:00

Telegram пасля затрымання Дурава стаў актыўна супрацоўнічаць з уладамі розных краін

Кіраўніцтва месенджара пачало актыўна супрацоўнічаць з іншымі краінамі, падаючы інфармацыю на запыт праваахоўных органаў.

Пакінуць каментарый

Telegram пасля затрымання Дурава стаў актыўна супрацоўнічаць з уладамі розных краін

Кіраўніцтва месенджара пачало актыўна супрацоўнічаць з іншымі краінамі, падаючы інфармацыю на запыт праваахоўных органаў.

Паводле даных Le Figaro, адная з краін ЕС атрымала адказ на запыт пра групу ў тэлеграме, у якой абмяркоўвалася каля ста заказных забойстваў. Таксама адказу чакаюць праваахоўныя органы Паўднёвай Карэі.

Libération паведамляла, што Telegram адрэагаваў на запыты офіса па справах непаўналетніх (OFMIN) нацыянальнай паліцыі, а таксама на запыты жандармерыі.

OFMIN вясной гэтага года апавясціў аддзел кіберзлачыннасці нацыянальнай юрысдыкцыі ў барацьбе з арганізаванай злачыннасцю аб «імклівым і некантраляваным» распаўсюдзе ў месенджары злачынстваў супраць непаўналетніх.

Выданне адзначае, што гатоўнасць Telegram дапамагаць следчым розных краін мае дапамагчы прасунуць многія нацыянальныя і міжнародныя расследаванні.

Паўла Дурава затрымалі ў парыжскім аэрапорце 24 жніўня. Яму выставілі абвінавачванні ў шэрагу злачынстваў, звязаных з арганізаванай злачыннасцю, у тым ліку ў саўдзеле ў распаўсюдзе наркотыкаў і дзіцячай парнаграфіі.

Цяпер бізнэсовец адпушчаны пад заклад, яму забаронена пакідаць Францыю ў часе следства і разбору справы. Ён мае адзначацца ў паліцыі двойчы на тыдзень.