Мэсенджар апублікаваў справаздачу аб празрыстасці са статыстыкай па запытах уладаў. Згодна з дадзенымі, кампанія значна ўзмацніла супрацоўніцтва з праваахоўнымі органамі ў параўнанні з мінулым годам.
Мэсенджар апублікаваў справаздачу аб празрыстасці са статыстыкай па запытах уладаў. Згодна з дадзенымі, кампанія значна ўзмацніла супрацоўніцтва з праваахоўнымі органамі ў параўнанні з мінулым годам.
У першым квартале 2025 года Telegram перадаў уладам дадзеныя 22 777 карыстальнікаў, згодна са справаздачай аб празрыстасці, апублікаванай на GitHub. Гэта істотны рост у параўнанні з аналагічным перыядам 2024 года, калі былі перададзены дадзеныя толькі пра 5 826 карыстальнікаў. З 1 студзеня па 31 сакавіка 2025 года ў ЗША былі раскрытыя дадзеныя 1 664 карыстальнікаў.
Генеральны дырэктар Павел Дураў доўгі час пазіцыянаваў платформу як бяспечную прастору для свабоды слова, супраціўляючыся супрацоўніцтву з урадамі. Аднак сітуацыя змянілася пасля яго арышту ў Францыі ў жніўні 2024 года з-за адмовы Telegram перадаць дадзеныя ў межах расследавання справы аб жорсткім абыходжанні з дзецьмі.
Пасля арышту Дураў і Telegram сталі больш згаворлівымі ў дачыненні да запытаў уладаў на перадачу дадзеных. Платформа запусціла бота, які інфармуе карыстальнікаў пра колькасць запытаў ад праваахоўных органаў і колькасць закранутых карыстальнікаў у іхным рэгіёне.
Пасля вызвалення пад заклад бізнесмен змог пакінуць Францыю і вылецеў у Дубай. Затым Дураў пачаў публічна крытыкаваць французскі ўрад. Пасля прэзідэнцкіх выбараў у Румыніі, дзе перамог цэнтрысцкі кандыдат, ён намякнуў, што Францыя прасіла яго прыглушыць галасы ультраправай часткі насельніцтва ў Румыніі.
У допісе ў X Дураў наўпрост абвінаваціў кіраўніка французскай разведкі Нікаля Лернера ў спробах цэнзуры, сцвярджаючы, што той прасіў заблакаваць кансерватыўныя галасы ў Румыніі. Французскія ўлады адмаўляюць гэтыя абвінавачванні.
Дадзеныя за першы квартал 2025 года дэманструюць рэзкі рост супрацоўніцтва Telegram з французскімі ўладамі. Калі ў першыя тры месяцы 2024 года Францыя зрабіла ўсяго 4 запыты, якія закранулі 17 карыстальнікаў, то ў 2025 годзе Францыя накіравала 668 запытаў, перадаўшы дадзеныя 1 425 карыстальнікаў. Румынія таксама трапіла ў спіс з 37 запытамі, якія закранулі 88 карыстальнікаў.
Рэлацыраваліся? Цяпер вы можаце каментаваць без верыфікацыі акаўнта.
del
Карыстальнік адрэдагаваў каментарый 21 мая 2025, 13:37