Месэнджар прэзентаваў маштабнае абнаўленне: з’явіліся прамыя эфіры ў гісторыях, функцыя рэгулярных паведамленняў, а таксама новая сістэма аўкцыёнаў для рэдкіх падарункаў. Акрамя таго, распрацоўшчыкі абнавілі дызайн аплікацый на iOS і Android.
Месэнджар прэзентаваў маштабнае абнаўленне: з’явіліся прамыя эфіры ў гісторыях, функцыя рэгулярных паведамленняў, а таксама новая сістэма аўкцыёнаў для рэдкіх падарункаў. Акрамя таго, распрацоўшчыкі абнавілі дызайн аплікацый на iOS і Android.
Цяпер любы карыстальнік можа запусціць прамую трансляцыю прама ў гісторыях — ад асабістага акаўнта ці ад імя групы і канала. Гледачы могуць перапісвацца ў чаце, а платныя каментары, якія вылучаюцца за «зоркі», дазваляюць падтрымаць аўтара эфіру.
Падтрымка RTMP-ключоў робіць магчымай трансляцыю праз OBS, XSplit і іншыя прафесійныя інструменты. Вядучыя могуць прызначаць адміністратараў і абмяжоўваць чат.
Другая навінка — рэгулярныя паведамленні. Апроч звычайных адкладзеных адпраўленняў, цяпер можна задаць паўтарэнне: штодзённа, раз на тыдзень ці па індывідуальным графіку. Функцыя падыходзіць для працоўных працэсаў, напамінаў і фарміравання звычак.
Таксама Telegram запускае аўкцыёны для новых падарункаў. Рэдкія лічбавыя прадметы цяпер размяркоўваюцца па стаўках у «зорках»: чым вышэй стаўка, тым ніжэй парадкавы нумар падарунка. Стаўкі, якія не выйгралі ў раўндзе, аўтаматычна пераходзяць далей, а пасля завяршэння аўкцыёна незапатрабаваныя сродкі вяртаюцца карыстальнікам.
Адначасова абнавіўся інтэрфейс. На iOS стала больш «вадкага шкла» і анімацый, а Android атрымаў новае мінімалістычнае поле ўводу з эфектам размыцця пры пракрутцы.
Рэлацыраваліся? Цяпер вы можаце каментаваць без верыфікацыі акаўнта.