Telegram запускае ўнутраную валюту для аплаты тавараў праз ботаў

Раней карыстальнікі маглі аплачваць тавары і паслугі ў ботах і міні-праграмах не ў Telegram. Аднак Apple палічыла гэта парушэннем правілаў App Store аб унутраных плацяжах.

Новая лічбавая валюта будзе называцца Telegram Stars. Ад 12 чэрвеня ўсе плацяжы карыстальнікаў у ботах і міні-праграмах будуць ажыццяўляцца выключна ў ёй. Распрацоўшчыкі ботаў і міні-праграм змогуць выводзіць Telegram Stars у любы час у TON.

Адзначаецца, што Telegram разгортвае гэтую схему вымушана, інакш большасць ботаў спыняць сваю працу — яны будуць недаступныя ў версіях месенджара, спампаваных у App Store і Google Play. Ёсць верагоднасць, што ранейшая схема набыцця лічбавых тавараў і паслуг застанецца даступнай у версіях праграмы, загружаных не з гэтых крам.