Тэлескоп «Джэймс Уэб» сфатаграфаваў найстаражытнейшыя галактыкі ў газавых «бурбалках»

Паводле распаўсюджанай версіі, пасля Вялікага выбуху газ быў настолькі гарачы і шчыльны, што паглынаў практычна ўсе электрамагнітныя выпраменьванні. Цёмны перыяд скончыўся са з’яўленнем першых зорак, якія запусцілі паўторную іянізацыю газу ў прасторы, праз што Сусвет стаў празрыстым для ўсіх дыяпазонаў назірання.

Менавіта 900 мільёнаў гадоў пасля Вялікага выбуху — гэта мяжа завяршэння эпохі рэіянізацыі, якая дазваляе ўбачыць карціну размеркавання празрыстасці газу ў вялікім маштабе. Высокі ўзровень адчувальнасці тэлескопа ў інфрачырвоным дыяпазоне дапамагае зразумець, якія працэсы адбываліся ў Сусвеце ў рэчаіснасці.

Гэтым часам вакол галактык утваралася штосьці накшталт бурбалак празрыстага газу. Да назіранняў «Уэба» ніхто не назіраў гэтыя бурбалкі рэіянізацыі, аднак для іх выяўлення спатрэбіліся назіранні некалькіх іншых тэлескопаў. Дзякуючы шанцунку навукоўцы знайшлі квазар, які апынуўся самым яркім з выяўленых у раннім Сусвету.

Гэты квазар падсвяціў усе галактыкі да яго, высвяціў празрыстыя бурбалкі і знізіў інтэнсіўнасць свячэння ў непразрыстых абласцях ранняга космасу. Даныя выявіліся настолькі цікавымі, што навукоўцы апублікавалі іх да поўнага разбору ўсёй інфармацыі. Шэсць здымкаў глыбокага поля зафіксавалі 117 галактык. Цяпер даныя абапіраюцца на аналіз толькі аднаго здымка, пяць яшчэ знаходзяцца ў апрацоўцы.