Тэлескопу ўдалося вывучыць атмасферу экзапланеты — газавага гіганта WASP-39b, які круціцца вакол зоркі ў сузор'і Дзевы і месціцца недалёка ад яе — прыкладна на адной восьмай адлегласці ад Меркурыя да Сонца.
Тэлескопу ўдалося вывучыць атмасферу экзапланеты — газавага гіганта WASP-39b, які круціцца вакол зоркі ў сузор'і Дзевы і месціцца недалёка ад яе — прыкладна на адной восьмай адлегласці ад Меркурыя да Сонца.
Даследчыкі адзначаюць, што гэта новы ўзровень назірання за экзапланетамі, які ў будучыні дасць магчымасць вызначаць на іх наяўнасць біялагічнага жыцця. Вывучаная планета нагадвае Сатурн. Яна круціцца каля зоркі, якая адносіцца да класа G, як і Сонца. Уся сістэма знаходзіцца на адлегласці каля 700 светлавых гадоў ад Зямлі. У жніўні паведамлялася, што ў атмасферы Wasp-39b быў знойдзены вуглякіслы газ.
З дапамогай транзітнага метаду навукоўцы высветлілі, што на планеце ёсць дыяксід серы — гэта першы раз, калі такое злучэнне было выяўленае ў атмасферы экзапланеты. Суадносіны вугляроду да кіслароду, калію да кіслароду і серы да вадароду паказваюць на такую гісторыю стварэння, калі драбнейшыя целы-папярэднікі сутыкаліся адно з адным і зліваліся, ствараючы цяперашнюю планету. Атмасфера планеты складаецца з сульфідаў і сілікатаў.
Рэлацыраваліся? Цяпер вы можаце каментаваць без верыфікацыі акаўнта.