Аддзел навін 16 чэрвеня 2023, 15:30

Цяпер афіцыйна: «Яндэкс» адкрывае новы офіс у Сербіі

«Яндэкс» пацвердзіў адкрыццё другога офіса ў Сербіі — увосень кампанія плануе ўладкаваць памяшканне яшчэ ў адным офісным будынку ў Бялградзе. Пра гэта «Яндэкс» паведаміў выданню Forbes.

0 каментарый

«Яндэкс» пацвердзіў адкрыццё другога офіса ў Сербіі — увосень кампанія плануе ўладкаваць памяшканне яшчэ ў адным офісным будынку ў Бялградзе. Пра гэта «Яндэкс» паведаміў выданню Forbes.

У сербскім офісе будуць працаваць супрацоўнікі з розных дзяржаў, якія займаюцца тэхналогіямі і прадуктамі для ўсіх краін, дзе працуе «Яндэкс». Да канца года кампанія мае намер пашырыць свой штат у краіне да 2000 чалавек. Усяго ў міжнародных хабах «Яндэкса» працуе 10% яго супрацоўнікаў, прычым вялікая частка — менавіта ў Сербіі.

Пра тое, што «Яндэкс» плануе адкрыць другі офіс у Бялградзе, Forbes расказваў у сакавіку са спасылкай на дасведчаныя крыніцы і аднаго з супрацоўнікаў карпарацыі. У якасці патэнцыйнай лакацыі разглядаўся комплекс «Бялград на вадзе» на беразе ракі Сава, адкрыццё планавалася на восень-зіму 2023 года.

Першы офіс у Бялградзе «Яндэкс» адкрыў улетку 2022-га, а датуль арандаваў тут каворкінг. Новы офіс быў разлічаны на 700 чалавек, але, паводле слоў суразмоўцаў Forbes, у лютым 2023 года колькасць супрацоўнікаў «Яндэкса» ў Сербіі дасягнула 1500, у сувязі з чым спатрэбілася пашыраць офісныя плошчы. Знаёмая з планамі кампаніі ў Сербіі крыніца выдання сцвярджае, што «Яндэкс» хоча ператварыць гэты хаб у «асноўны еўрапейскі офіс».