Алеся Чапкевич world 2 студзеня 2026, 16:02

Tesla ўжо не самы буйны пастаўшчык электракараў у свеце

Па выніках 2025 года кітайская кампанія BYD прадала 4,6 млн аўто, у тым ліку 2,26 млн чыстых «электрычак» і крыху больш «гібрыдаў».

Пакінуць каментарый

Tesla ўжо не самы буйны пастаўшчык электракараў у свеце

Па выніках 2025 года кітайская кампанія BYD прадала 4,6 млн аўто, у тым ліку 2,26 млн чыстых «электрычак» і крыху больш «гібрыдаў».

Па выніках 2024 года Tesla прадала 1,79 млн цалкам электрычных аўто, а BYD — 1,76 млн. Гэта значыць у 2025 годзе прырост у кітайскай кампаніі склаў амаль 28%. Пры гэтым агульны паказчык гадавых продажаў BYD павялічыла амаль на 8% у параўнанні з 2024-м. Гэта самы сціплы прырост за апошнія 5 гадоў.

Tesla павінна прадставіць сваю справаздачу сёння. Па дадзеных Bloomberg, у яе продажы па выніках 4 квартала складуць прыкладна 441 тысячу электракараў — мінус 11% год да года. Гэта значыць за ўвесь 2025-ы кампанія Ілана Маска рэалізавала прыкладна 1,66 млн аўто. Гэтая лічба падае другі год запар.

У новым годзе ўзмоцніцца ціск на BYD і яе канкурэнтаў на кітайскім рынку, бо ўлады плануюць згарнуць шэраг праграм, якія стымулююць куплю электрычнага транспарту. Суперніцтва абвастрае актыўны выхад на рынак новых мадэляў. Аналітыкі лічаць, што BYD справіцца са складанасцямі лепш за іншых, а па некаторых ацэнках, яе сукупныя продажы ў 2026 годзе могуць дасягнуць 5,3 млн аўто.

Падзенне продажаў Tesla ў 2025-м часткова звязана з мадэрнізацыяй вытворчых ліній пад абноўленыя Model Y. Частку кліентаў адштурхнула ўцягненне Маска ў палітыку, а таксама адмена субсідый на куплю электракараў уладамі ЗША.