Новы канкурэнт Twitter ад Instagram карыстаўся ашаламляльнай папулярнасцю ў першыя дні пасля рэлізу. Ён набраў 100 млн юзераў усяго за пяць дзён і стаў самай хуткарослай праграмай у гісторыі.
Новы канкурэнт Twitter ад Instagram карыстаўся ашаламляльнай папулярнасцю ў першыя дні пасля рэлізу. Ён набраў 100 млн юзераў усяго за пяць дзён і стаў самай хуткарослай праграмай у гісторыі.
Але мяркуючы са свежых даных SimilarWeb, хайп вакол Threads згасае. Калі ў найлепшы дзень праграмы, пятніцу 7 ліпеня, колькасць яе штодзённых актыўных карыстальнікаў (DAU) на Android у свеце перавышала 49 млн, то ўжо праз тыдзень, 14 ліпеня, упала больш як удвая да 23,6 млн.
Пры гэтым у сацсеткі Ілана Маска штодзённая колькасць Android-карыстальнікаў складае 109 млн, то-бок на піку аўдыторыя Threads дасягала амаль паловы памеру Twitter (45%).
Самымі актыўнымі былі амерыканскія карыстальнікі Threads: час, які бавіцца імі ў праграме, набліжаўся да 21 хвіліны, але праз тыдзень зменшыўся да крыху больш як 6 хвілін.
За першыя два дні, калі быў адкрыты ўсеагульны доступ да Threads, інтэрнэт-трафік на twitter.com знізіўся на 5% у параўнанні з паказчыкамі тыдзень раней. За наступны тыдзень наведвальнасць вярнулася да ранейшай, але ўсё роўна на 11% ніжэйшай, ніж год таму.
У самыя гарачыя дні глабальная дзённая колькасць актыўных Android-карыстальнікаў Threads практычна не змянялася, а час у праграме скараціўся на 4,3%. Сярэдні час, які бавяць карыстальнікі ў Twitter, складае каля 25 хвілін.
Такім чынам, аўдыторыя «забойцы Twitter» цяпер прыкладна ў 5 разоў меншая, ніж у самога Twitter. Але ў навінкі ўжо з’явіліся «болькі» суперніка — напрыклад, спамеры і абмежаванні, закліканыя ім перашкодзіць.
Рэлацыраваліся? Цяпер вы можаце каментаваць без верыфікацыі акаўнта.