Tik Tok падаў у суд на ўлады Мантаны праз забарону сэрвісу ў штаце

Забарона набудзе моц 1 студзеня 2024 года, аднак яе ўжо апратэставалі кампанія і мясцовыя жыхары, якія падалі калектыўны пазоў у федэральны суд з патрабаваннем скасаваць забарону з адсылкай да Першай папраўкі да Канстытуцыі ЗША. У TikTok лічаць, што забарона парушае і іншыя законы ЗША, паколькі ўрываецца ў сферу, якая рэгулюецца толькі федэральнымі органамі.

Згодна з мясцовым законам, улады штата могуць накладаць штраф за кожнае парушэнне, дапушчанае TikTok на ягонай тэрыторыі, а таксама дадатковыя штрафы па $10 тысяч штодня, калі парушэнні не будуць ліквідаваныя. Раней супрацоўнікам дзяржаўных органаў на федэральным узроўні забаранілі карыстацца сэрвісам на сваіх службовых прыладах.