Tik Tok тэсціруе чат-бота, які рэкамендуе відэа ў праграме

Кампанія выкарыстоўвае АІ-тэхналогіі невядомага распрацоўшчыка, адаптаваныя для сацсеткі. Значок бота знаходзіцца над панэллю з падабайкамі і каментарамі. Пры націску на значок адкрываецца дыялог, у якім карыстальнікі могуць задаць пытанне пра прагледжанае відэа або папрасіць парэкамендаваць штосьці.

Карыстальнік можа папрасіць кантэнт на пэўную тэму. Чат-бот выдасць спіс з назвай відэа, аўтарам, тэмай і спасылкай на ролік. TikTok папярэджвае, што бот — эксперымент і можа памыляцца, на яго не варта спадзявацца ў юрыдычных, медыцынскіх і фінансавых пытаннях. Усе размовы «будуць правярацца ў мэтах бяспекі».