Тым Кук пакіне пасаду генеральнага дырэктара Apple з 1 верасня. Яго месца зойме Джон Тэрнус, які цяпер узначальвае кірунак апаратнай распрацоўкі. Сам Кук пяройдзе на пасаду выканаўчага старшыні рады дырэктараў.
Тым Кук пакіне пасаду генеральнага дырэктара Apple з 1 верасня. Яго месца зойме Джон Тэрнус, які цяпер узначальвае кірунак апаратнай распрацоўкі. Сам Кук пяройдзе на пасаду выканаўчага старшыні рады дырэктараў.
Рашэнне аб прызначэнні Тэрнуса было аднагалосна адобрана радай дырэктараў Apple. Да восені Кук працягне кіраваць кампаніяй і будзе працаваць разам з пераемнікам над плаўнай перадачай паўнамоцтваў. У новай ролі ён засяродзіцца на стратэгічных пытаннях і ўзаемадзеянні з дзяржаўнымі структурамі.
«Гэта быў найвялікшы прывілей у маім жыцці — быць CEO Apple і кіраваць такой выбітнай кампаніяй, — заявіў Кук. — Я люблю Apple ўсім сэрцам і ўдзячны за магчымасць працаваць з такой таленавітай, вынаходлівай, інавацыйнай і сапраўды неабыякавай камандай, якая імкнецца ствараць найлепшыя прадукты і мяняць жыццё людзей».
Кук узначаліў Apple у 2011 годзе, змяніўшы Стыва Джобса, і стаў толькі другім гендырэктарам у сучаснай гісторыі кампаніі. За амаль 15 гадоў пад ягоным кіраўніцтвам капіталізацыя Apple вырасла прыкладна ў 24 разы — да $4 трыльёнаў. Пры Куку кампанія выйшла на новыя рынкі, запусціла катэгорыі насімых прыладаў (Apple Watch, AirPods) і прадставіла гарнітуру змешанай рэальнасці Vision Pro.
Джон Тэрнус стане восьмым гендырэктарам Apple. Ён працуе ў кампаніі больш за 20 гадоў і курыруе распрацоўку ключавых прадуктаў: iPhone, iPad, Mac, Apple Watch і AirPods. У Apple яго даўно разглядалі як аднаго з асноўных кандыдатаў на пасаду кіраўніка.
«У Джона мысленне інжынера, душа наватара і сэрца лідара, здольнага весці кампанію з гонарам і прынцыпамі»», — адзначыў Кук.
Сам Тэрнус заявіў, што для яго гэта «вялікі гонар» працягнуць місію кампаніі. «Я правёў амаль усю сваю кар’еру ў Apple і мне пашчасціла працаваць са Стывам Джобсам і вучыцца ў Тыма Кука. Я з аптымізмам гляджу на будучыню і ўдзячны магчымасці ўзначаліць кампанію», — адзначыў ён.
Релоцировались? Теперь вы можете комментировать без верификации аккаунта.