Топы кітайскага падраздзялення Arm сышлі і зрабілі свой стартап з дзяржінвестыцыямі

Сярод страт Arm China — кіраўнік аддзела даследаванняў, рэгіянальны дырэктар па продажах і супрацоўнік, які адказваў за сувязі з урадам. Апошні займае пасаду гендырэктара ў новай кампаніі пад назвай Borui Jingxin, якая была створаная 2,5 гады таму. За ёй стаяць улады горада Шэньчжэнь.

Цяпер Borui спрабуе падняць інвестыцыі і прыцягнуць інжынераў, уключаючы Arm. Паводле інфармацыі Bloomberg, яна з’яўляецца буйным ліцэнзіятам Arm і займаецца распрацоўкай чыпаў для сервераў. Некаторыя інвестары асцерагаюцца, што Borui можа адабраць частку выручкі кітайскага падраздзялення Arm.

Выданне адзначае, што становішча Arm у Кітаі даволі няўстойлівае. Яе падраздзяленне тут у асноўным належыць мясцовым інвестарам. Кампанія сама прызнае, што практычна не кантралюе яго і рызыкуе страціць кантроль цалкам. У лютым у Arm China скарацілі каля 100 супрацоўнікаў, у асноўным у аддзеле R&D. Некаторыя з іх перайшлі ў Borui.

Прадстаўнік Borui сцвярджае, што стартап з’яўляецца кліентам Arm China, не канкуруе з ёй і не мае канфлікту інтарэсаў. Ён удакладніў, што Borui праектуе чыпы для воблачных вылічэнняў і кантролеры для гранічных вылічэнняў.