Торвальдс выказаўся наконт распрацоўшчыкаў Linux, якія старэюць
Лінус Торвальдс пракаментаваў даклады пра выгаранне оўпэнсорснай супольнасці і ўзрост спецыялістаў. У гутарцы з кіраўніком распрацоўкі адкрытага софту Verizon Дзіркам Хондэлам на мерапрыемстве Open Source Summit Europe у Вене ён сказаў, у Linux з гэтым усё як мае быць, хоць яна, хутчэй, выключэнне з правілаў.
«Цалкам слушна, што мэйнтэйнеры ядра [Linux] старэюць, але ў гэтым ёсць свае перавагі. Колькі [оўпэнсорсных] праектаў маюць мэйнтэйнераў, якія займаюцца імі літаральна больш за трыццаць гадоў? Гэта вельмі нетыпова. Таму, калі людзі кажуць, што распрацоўшчыкі выгараюць і сыходзяць, — так, гэта так, але гэта нармальна. Што не нармальна, гэта што людзі застаюцца дзесяцігоддзямі, гэта нетыповая рэч, і я думаю, што ў нейкай меры гэта добры знак», — сказаў Торвальдс.
Галоўная мова ядра Linux — гэта С, але ў 2022 годзе праект дадаў афіцыйную падтрымку Rust. Некалькі тыдняў таму кіраўнік праекта Rust for Linux Уэдсан Алмейда Філья абвясціў, што сыходзіць у адстаўку амаль праз чатыры гады, бо яму «не хапае энергіі і энтузіязму», каб справіцца з «нетэхнічным глупствам» вакол праекта.
У студзені старшая інжынерка Rust Джын Нэльсан адзначала, што праблема выгарання цалкам рэальная. Паводле яе слоў, колькасць людзей, якія пакінулі праект Rust праз выгаранне і блізкія да выгарання, шакавальна вялікая.
Читать на dev.by