Toshiba скарачае 4 тысячы супрацоўнікаў
Toshiba абвясціла, што звольніць 4 тысячы чалавек у Японіі ў рамках рэструктурызацыі. Пра гэта паведамляе Reuters.
Toshiba абвясціла, што звольніць 4 тысячы чалавек у Японіі ў рамках рэструктурызацыі. Пра гэта паведамляе Reuters.
Toshiba абвясціла, што звольніць 4 тысячы чалавек у Японіі ў рамках рэструктурызацыі. Пра гэта паведамляе Reuters.
«Пад нож» адправіцца да 6% штату Toshiba ў краіне. Акрамя гэтага, плануецца рэлакаваць офісныя пазіцыі з Токіа ў Кавасакі, на захад ад сталіцы. Таксама ў найбліжэйшыя тры гады карпарацыя збіраецца давесці аперацыйную маржу да 10%.
У мінулым снежні Toshiba сышла з Такійскай фондавай біржы. Новым уладальнікам стаў кансорцыум інвестараў на чале з фондам Japan Industrial Partners. Сума ўгоды склала $13 млрд. Ёй папярэднічалі шматгадовыя цяжкасці ў Toshiba, напрыклад, скандал вакол бухгалтарскіх махінацый, фінансавы крызіс, тэрміновы продаж актываў і сур’ёзныя рознагалоссі паміж кіраўніцтвам і акцыянерамі.
У 2021 годзе стала вядома пра планы кампаніі распасціся на тры часткі, пазней — на дзве. Але акцыянеры не падтрымалі падзелу.
Рэлацыраваліся? Цяпер вы можаце каментаваць без верыфікацыі акаўнта.