Прэзідэнт ЗША Дональд Трамп паспрабаваў развеяць чуткі аб тым, што яго адміністрацыя мае намер нанесці шкоду кампаніям Ілана Маска, у прыватнасці Tesla, праз скасаванне дзяржаўных субсідый.
Прэзідэнт ЗША Дональд Трамп паспрабаваў развеяць чуткі аб тым, што яго адміністрацыя мае намер нанесці шкоду кампаніям Ілана Маска, у прыватнасці Tesla, праз скасаванне дзяржаўных субсідый.
«Усе кажуць, што я збіраюся разбурыць кампаніі Ілана, прыбраўшы частку ці нават усе маштабныя субсідыі ад урада ЗША. Гэта не так! Я хачу, каб Ілан, як і ўсе бізнесы ў нашай краіне, квітнеў, і нават больш чым калі-небудзь!» — напісаў Трамп на сваёй старонцы ў Truth Social. Ён падкрэсліў, што чым паспяховей бізнес Маска і іншых амерыканскіх кампаній, тым лепш для ўсёй краіны.
Тым часам амерыканскія ўлады ўжо скарацілі або перагледзелі шэраг дзяржаўных ільгот, якімі карысталіся кампаніі Маска. Закон «One Big Beautiful Bill Act», падпісаны Трампам, адмяняе федэральны падатковы вылік $7 500 на набыццё электрамабіляў з канца гэтага года. Кіраўніцтва Tesla прызнала, што знікненне субсідый можа негатыўна адбіцца на попыце і павысіць кошт электрамабіляў для пакупнікоў у ЗША.
Раней СМІ падлічылі, што за апошнія два дзесяцігоддзі кампаніі Маска атрымалі не менш за $38 мільярдаў у выглядзе кантрактаў, субсідый, падатковых ільгот і крэдытаў ад урада ЗША. Толькі SpaceX з 2008 года заключыла дзяржкантрактаў больш чым на $22 мільярда.
Трамп і Маск працягваюць абменьвацца рэзкімі заявамі ў сацсетках на фоне рознагалоссяў наконт эканамічнай палітыкі, дзяржкантрактаў і новага заканадаўства. Пры гэтым Маск, які раней падтрымаў вяртанне Трампа ў Белы дом, плануе стварэнне ўласнай палітычнай партыі.
Рэлацыраваліся? Цяпер вы можаце каментаваць без верыфікацыі акаўнта.