Прэзідэнт ЗША Дональд Трамп падпісаў у панядзелак указ аб стварэнні суверэннага інвестыцыйнага фонду дабрабыту. Ягоныя сродкі патэнцыйна могуць быць выкарыстаны для куплі TikTok.
Прэзідэнт ЗША Дональд Трамп падпісаў у панядзелак указ аб стварэнні суверэннага інвестыцыйнага фонду дабрабыту. Ягоныя сродкі патэнцыйна могуць быць выкарыстаны для куплі TikTok.
Згодна з указам, міністэрствы фінансаў і гандлю маюць паказаць план стварэння такога фонду на працягу 90 дзён. Гэты план мае ўключаць рэкамендацыі па «механізмах фінансавання, інвестыцыйных стратэгіях, структуры фонду і мадэлі кіравання».
Звычайна фонды такога роду спадзяюцца на бюджэтны прафіцыт краіны для ажыццяўлення інвестыцый, але ў ЗША бюджэт дэфіцытны. Раней Трамп прапаноўваў фінансаваць фонд за кошт «тарыфаў і іншых разумных рэчаў». Стварэнне такога фонду запатрабуе ўхвалення Кангрэса.
Міністр фінансаў Скот Бесент паведаміў, што фонд будзе створаны на працягу наступных 12 месяцаў. Паводле слоў Бесента, адміністрацыя будзе імкнуцца манетызаваць актывы, якімі ў цяперашні час валодае ўрад ЗША, «для амерыканскага народа».
Адным з падыходаў было б пераўтварэнне карпарацыі міжнароднага фінансавання развіцця ЗША (IDFC) у структуру, аналагічную суверэннаму фонду. IDFC — гэта ўрадавае агенцтва, якое супрацоўнічае з бізнэсам у краінах у стадыі развіцця.
Трамп дадаў, што калі для амерыканскіх актываў TikTok не будзе знойдзены годны пакупнік у ЗША, іх зможа набыць суверэнны фонд. Аднак гэта можа стаць юрыдычнай праблемай, бо ўрадавае валоданне сацсеткай можа супярэчыць Першай папраўцы.
Рэлацыраваліся? Цяпер вы можаце каментаваць без верыфікацыі акаўнта.