Лічбавы дэтокс: ля берагоў Фінляндыі з'явіўся «першы ў свеце востраў без смартфонаў»
Востраў называецца Улка-Таміа і з’яўляецца часткай нацыянальнага парку ў Паўднёвай Фінляндыі. Наведвальнікам прыйдзецца на час адмовіцца ад сваіх лічбавых дэвайсаў і сацсетак, расказвае The Independent.
Замест гэтага ім прапануецца проста атрымліваць асалоду ад прыроды. Можна блукаць па пешаходных сцежках і назіраць за птушкамі і жывёламі з назіральнай вежы. Начаваць можна ў намётах або хатках.
Зрэшты, «лічбавы пост» — справа цалкам добраахвотная. Для тых, каму вельмі трэба, на востраве ёсць мабільная сувязь. Арганізатары кажуць, што ідэю можна маштабаваць на іншыя прыродныя і турыстычныя лакацыі.
Часта падчас адпачынку людзі спрабуюць адключыцца ад астатняга свету, але нават гэтыя рэдкія моманты перарываюцца гартаннем стужкі і выкладваннем публікацый у сацсеткі. Між тым псіхолагі не стамляюцца казаць пра карысць невялікіх перапынкаў без сучасных гаджатаў: гэта дазваляе палепшыць агульнае самаадчуванне і пазбавіцца ад сімптомаў трывогі і дэпрэсіі.
Аналагічныя праекты ёсць і ў Вялікабрытаніі, напрыклад, Unplugged. Гасцям прапануюць перазарадзіцца ў камфартабельных хатках, сузіраючы маляўнічыя пейзажы — без сувязі з вонкавым светам. Смартфоны тут замыкаюць на замок. Аўтары лічаць, што «людзі былі б больш шчаслівымі і прадукцыйнымі, калі б сталі некалькі дзён на год бавіць без інтэрнэту».
Читать на dev.by