Николай Чикишев 16 лістапада 2022, 11:04

Астраўная дзяржава Тувалу створыць лічбавага двайніка праз пагрозу затаплення

Дзяржава Тувалу, якая знаходзіцца на астравах недалёка ад Аўстраліі, пры канцы стагоддзя можа сысці на дно акіяна праз змяненне клімату.

Пакінуць каментарый

Астраўная дзяржава Тувалу створыць лічбавага двайніка праз пагрозу затаплення

Дзяржава Тувалу, якая знаходзіцца на астравах недалёка ад Аўстраліі, пры канцы стагоддзя можа сысці на дно акіяна праз змяненне клімату.

Урад краіны вырашыў стварыць лічбавую копію Тувалу разам са славутасцямі, каб захаваць сваю гісторыю і культуру. Паводле даных Reuters, копію запампуюць у метасусвет.

«Нашая зямля, наш акіян, нашая культура — найкаштоўнейшыя актывы нашага народа. Каб зберагчы іх, незалежна ад таго, што адбываецца ў фізічным свеце, мы перамесцім іх у воблака», — заявіў міністр замежных спраў Сайман Кофэ на кліматычным саміце COP27.

Тувалу знаходзіцца на дзевяці невялікіх астравах, дзяржава займае плошчу меншую за 26 квадратных кіламетраў. Насельніцтва Тувалу складае 12 тысяч чалавек. Цяпер падчас прыліву каля 40% атола-сталіцы Фунафуці сыходзіць пад ваду. Праз 80 гадоў акіян можа паглынуць усю групу астравоў.