Відэаплатформа падала пазоў у суд Сан-Францыска супраць былога стрымера League Of Legends Кірыла Малафеева, вядомага ў сеціве як Likkrit. Прычынай пазову стала рашэнне расійскага суда, які абавязаў Twitch выплаціць велізарны штраф за блакаванне акаўнта Малафеева.
Відэаплатформа падала пазоў у суд Сан-Францыска супраць былога стрымера League Of Legends Кірыла Малафеева, вядомага ў сеціве як Likkrit. Прычынай пазову стала рашэнне расійскага суда, які абавязаў Twitch выплаціць велізарны штраф за блакаванне акаўнта Малафеева.
Акаўнт Малафеева быў заблякаваны ў 2022 годзе, неўзабаве па тым, як ЗША ўвялі санкцыі супраць шэрагу расійцаў. Сам Малафееў трапіў пад санкцыі за ўдзел у «глабальнай сетцы для ўхілення ад санкцый і зламыснага ўплыву», якую ўзначальваў ягоны бацька, расійскі алігарх Канстанцін Малафееў. Акрамя блакавання акаўнта Twitch таксама спыніў выплаты расійскім стрымерам у адпаведнасці з санкцыямі.
Малафееў-малодшы падаў пазовы супраць Twitch у расійскі суд у чэрвені і кастрычніку 2022 года, абвінаваціўшы кампанію ў парушэнні ягоных правоў. Суд стаў на бок Малафеева, абавязаўшы Twitch аднавіць ягоны акаўнт або выплачваць «кампенсацыю» ў памеры 100 000 рублёў за кожны дзень невыканання. Сума штрафу падвойвалася кожны тыдзень, дасягнуўшы, паводле слоў юрыстаў Twitch, «астранамічных памераў».
У пазове Twitch гаворыцца, што кампанія не была належным чынам апавешчаная пра слуханні ў снежні 2022 года і не была прадстаўленая ў судзе. «Паколькі гэты штраф падвойваецца кожны тыдзень, ягоны памер цяпер большы за ўсе грошы ў свеце. Накладанне штрафу з’яўляецца неапраўданым з любога пункта гледжання і зусім не адпавядае даходу, які складаў каля $2000, калі рахунак Малафеева быў актыўны», — заявілі юрысты Twitch.
У 2023 годзе Малафееў паспрабаваў дамагчыся выканання пастановы расійскага суда ў Турцыі, звярнуўшыся ў турэцкае падраздзяленне Amazon — кампаніі-ўладальніцы платформы. Twitch сцвярджае, што пагадненні з Малафеевым былі ўкладзеныя з Twitch, а не з Amazon, што робіць гэтыя дзеянні несапраўднымі. Twitch мяркуе, што расійскія суды ўжываюць расійскія законы, «спецыяльна распрацаваныя для падрыву санкцый ЗША».
Рэлацыраваліся? Цяпер вы можаце каментаваць без верыфікацыі акаўнта.