Аддзел навін 10 мая 2023, 11:10

Twitter пачне выдаляць акаўнты і адбіраць нікнэймы ў неактыўных карыстальнікаў

Уладальнік Twitter Ілан Маск заявіў, што сацсетка будзе выдаляць акаўнты, карыстальнікі якіх ужо некалькі гадоў не выяўлялі актыўнасці.

1 каментарый

Уладальнік Twitter Ілан Маск заявіў, што сацсетка будзе выдаляць акаўнты, карыстальнікі якіх ужо некалькі гадоў не выяўлялі актыўнасці.

Ён дадаў, што ў сувязі з гэтым у карыстальнікаў платформы можа ўпасці колькасць падпісчыкаў.

We’re purging accounts that have had no activity at all for several years, so you will probably see follower count drop
— Elon Musk (@elonmusk) May 8, 2023

Таксама бізнэсовец патлумачыў, што змесціва спячых акаўнтаў будуць не выдаляць, а «архіваваць».

Якімі будуць маштабы чысткі, Маск не ўдакладніў — як і тое, колькі часу мусіць бяздзейнічаць акаўнт, каб патрапіць у зону рызыкі, і ці можна будзе аднавіць яго.

Такую меру Маск растлумачыў неабходнасцю вызваліць занятыя нікнэймы, якія не выкарыстоўваюцца.

Згодна з цяперашняй палітыкай Twitter карыстальнікам трэба ўваходзіць ва ўліковы запіс хаця б раз на месяц, каб яе не выдалілі назаўжды. Аднак юзернэймы (якія пачынаюцца з @) звычайна не робяцца даступнымі іншым карыстальнікам.