Twitter афіцыйна прызнаў блакаванне іншых кліентаў

У паведамленні Twitter пазначана, што кампанія «сочыць за выкананнем правілаў свайго API», гэта «можа прывесці да таго, што некаторыя праграмы не будуць працаваць». Раней карыстальнікі звярнулі ўвагу, што кліенты, якія выкарыстоўваюць API сацсеткі, перасталі працаваць. Выказваліся падазрэнні, што адключэнне адбылося наўмысна праз праблемы з прыбытковасцю кампаніі.

У заяве кампаніі няма спасылкі на правілы, пра якія кажа Twitter. Раней у інтэрв’ю The Information адзін са старэйшых інжынераў Twitter прызнаўся, што адключэнні іншых кліентаў «наўмысныя», аднак не растлумачыў прычыны гэтага.