Николай Чикишев 3 красавіка 2023, 14:55

Twitter прапанаваў кампаніям верыфікацыю за $1000. Некаторым яна абыдзецца бясплатна

Верыфікацыя бізнэс-акаўнтаў у Twitter і залатая птушка будуць платнымі, але для некаторых кампаній зробяць выключэнні.

Паводле даных The New York Times, верыфікацыя і птушкі абыдуцца бізнэсу ў $1000 на месяц. Бясплатнай гэтая паслуга будзе для 500 найбуйнейшых рэкламадаўцаў і для 10 тысяч кампаній з найбольшай колькасцю падпісчыкаў. Таксама кампаніі атрымаюць магчымасць верыфікаваць сваіх супрацоўнікаў — за $50 на месяц за кожнага супрацоўніка.

Выданне адзначае, што сацсетка вырашыла бясплатна верыфікаваць 500 найбуйнейшых рэкламадаўцаў на платформе праз выручку, якая павалілася. Рэкламныя агенцтвы раней заклікалі сваіх кліентаў прыпыніць супрацоўніцтва з Twitter. Пасля анонсу падпіскі Twitter Blue сацсетку пазапаўнялі фэйкавыя акаўнты брэндаў з верыфікацыяй. Платформа ўвяла абмежаванні на верыфікацыю.