Маладзейшы, багацейшы, рызыкоўнейшы: як выглядае тыповы ўладальнік Tesla

83% з іх — асобы мужчынскага полу. Для параўнання, у разрэзе астатніх разгледжаных марак мужчыны-аўтаўладальнікі складаюць толькі 49%. Паводле звестак амерыканскага Мінтранса, такая ж доля мужчын сярод усіх уладальнікаў пасведчання кіроўцы ў ЗША.

Таксама высветлілася, што карыстальнікі Tesla маюць больш высокія даходы. Медыянны даход хатніх гаспадарак у рэгіёнах, дзе жывуць уладальнікі Tesla, складае $85 тысяч, у той час як медыяна па хатніх гаспадарках астатніх кіроўцаў складае $62 тысячы. Прыкладна траціна машын кампаніі Ілана Маска зарэгістраваная ў рэгіёнах, дзе медыянны даход хатніх гаспадарак складае ад $100 тысяч пры медыяне па краіне каля $71 тысячы.

Кіроўцы Tesla часцей за сярэдняга кіроўцу валодаюць нерухомасцю. Уласнікамі жытла з’яўляюцца каля 36% тэславодаў супраць 17% — сярод уладальнікаў астатніх марак.

Таксама кіроўцы Tesla маладзейшыя за сярэдні ўзрост: 70% з прадстаўленых у выбарцы не старэйшыя за 34 гады. У маштабах краіны на кіроўцаў такога ўзросту прыпадае 32%.

Каля траціны ўладальнікаў Tesla маюць магістарскую або доктарскую ступень. Доля асоб з такой адукацыяй у насельніцтве ЗША — 13%. Паводле прафесіі тэславоды часцей за ўсё інжынеры, аперацыйныя менеджары і распрацоўшчыкі праграмнага забеспячэння.

Разглядалася не толькі тое, хто кіруе Tesla, але і як яны гэта робяць. Паводле бяспекі разгону тэславоды паказалі ці не найгоршыя вынікі, хоць сярэдняя хуткасць і сярэдняя максімальная хуткасць у іх аказаліся ніжэйшымі, чым у астатніх кіроўцаў. Таксама яны радзей карыстаюцца смартфонамі за стырном — гэта тлумачыцца наяўнасцю бартавых інфармацыйна-забаўляльных сістэм у машынах Tesla.