Николай Чикишев 3 лютага 2023, 11:59

У Apple упершыню ўпала квартальная выручка ад 2019 года

Кіраўнік Apple Цім Кук заявіў, што на вынікі паўплывалі моцны долар, праблемы з вытворчасцю ў Кітаі і агульная макраэканамічная сітуацыя.

1 каментарый

У Apple упершыню ўпала квартальная выручка ад 2019 года

Кіраўнік Apple Цім Кук заявіў, што на вынікі паўплывалі моцны долар, праблемы з вытворчасцю ў Кітаі і агульная макраэканамічная сітуацыя.

Выручка за першы квартал 2023 года ўпала на 5,5% і склала $117,2 мільярда. Чысты прыбытак роўны $29,9 млрд у параўнанні з $34,6 мільярда годам раней. Выручка ад продажу iPhone 14 Pro і iPhone 14 Pro Max склала $65,7 мільярда, Mac — $7,7 мільярда (менш на 28,66%), iPad — $9,4 мільярда (больш на 29,6%), AirPods, Apple Watch і HomePod ды іншыя аксесуары — $13,5 мільярда (на 8,3% менш).

Сэрвісы (Apple Music, Apple TV+ ды іншыя) зарабілі $20,7 мільярда супраць $19,5 мільярдаў годам раней. Таксама кампанія заявіла пра 2 мільярды актыўных прылад ва ўсім свеце. Рост продажаў адзначаецца ў Бразіліі, Індыі, Інданезіі, Тайландзе і В’етнаме. Кук паведаміў, што кампанія скарачае выдаткі і запавольвае набор супрацоўнікаў, аднак не сказаў пра масавыя звальненні.