Беларускі правайдар hoster.by вечарам 21 кастрычніка абвясціў пра абмежаванні замежнага трафіку. Прычынай сталі дзве крытычныя ўразлівасці ў PHP, здольныя прывесці да атак на сайты. Па шкале небяспекі абедзве атрымалі 9,2 балы з 10.
Беларускі правайдар hoster.by вечарам 21 кастрычніка абвясціў пра абмежаванні замежнага трафіку. Прычынай сталі дзве крытычныя ўразлівасці ў PHP, здольныя прывесці да атак на сайты. Па шкале небяспекі абедзве атрымалі 9,2 балы з 10.
«У адпаведнасці з распараджэннем паўнамоцнага дзяржаўнага органа, які ажыццяўляе ў Рэспубліцы Беларусь каардынацыю дзейнасці ў сферы кібербяспекі з мэтай прадухілення і мінімізацыі наступстваў кібератак, звязаных з эксплуатацыяй крытычных уразлівасцяў PHP (CVE-2026-109618/CVE-2026-109619), былі ўведзеныя абмежаванні на ўваходны трафік, які не належыць нацыянальнаму сегменту сеткі інтэрнэт. Працаздольнасць вэб-рэсурсаў захоўвалася, аднак яны не былі даступны з іншых сегментаў інтэрнэту (іншых краін). Пры гэтым трафік з давераных сетак буйных пошукавых ботаў (Яндэкс, Google і інш.) быў захаваны», — гаварылася ў паведамленні. Які менавіта дзяржорган і колькі сайтаў гэта закранула — не ўдакладнялася.
Уразлівасці выявілі спецыялісты кампаній Calif і Wiz з дапамогай тэхналогій OpenAI. Забяспечваць абарону сайтаў да рэлізу патчаў камандай PHP дапамагала Cloudflare.
А 10 гадзіне раніцы 22 кастрычніка hoster.by заявіў, што экстраныя абнаўленні PHP з выпраўленнямі ўразлівасцяў наладжаныя. Часовая блакіроўка вонкавага трафіку для сервераў віртуальнага хостынгу знята, доступ да сервісаў адноўленыя ў штатным рэжыме.
Релоцировались? Теперь вы можете комментировать без верификации аккаунта.