У Беларусі створаны Міжведамасны савет па забеспячэнні тэхналагічнага суверэнітэту, паведамляе БЕЛТА. Гэта прадугледжана ліпеньскай пастановай Дзяржаўнага камітэта па навуцы і тэхналогіях, якая была апублікавана на Нацыянальным прававым інтэрнэт-партале напрыканцы мінулага тыдня.
У Беларусі створаны Міжведамасны савет па забеспячэнні тэхналагічнага суверэнітэту, паведамляе БЕЛТА. Гэта прадугледжана ліпеньскай пастановай Дзяржаўнага камітэта па навуцы і тэхналогіях, якая была апублікавана на Нацыянальным прававым інтэрнэт-партале напрыканцы мінулага тыдня.
Дакумент вызначае склад савета. Старшынём стане старшыня ДКНТ. У склад увойдуць намеснікі кіраўнікоў шэрагу міністэрстваў, у тым ліку сувязі ды інфарматызацыі, і прамысловых канцэрнаў, начальнік упраўлення прымянення і развіцця БПЛА і сродкаў радыёэлектроннай барацьбы галоўнага ўпраўлення камандуючага ўнутранымі войскамі МУС, намначальніка Генштаба па навуковай рабоце, начальнік упраўлення АЦА, першы намстаршыні прэзідыума Нацыянальнай акадэміі навук.
Савет прымае рашэнне пра ўключэнне тэхналогій і тавараў у пералік крытычных, заслухоўвае інфармацыю дзяржорганаў пра прымаемыя меры па забеспячэнні тэхналагічнага суверэнітэту. Пасяджэнні праводзяцца па меры неабходнасці, але не радзей аднаго разу ў год. Рашэнні прымаюцца шляхам адкрытага галасавання большасцю галасоў.
Пастанова пашырае механізмы забеспячэння тэхналагічнага суверэнітэту. Да навуковых даследаванняў і распрацовак дадаўся новы напрамак — стварэнне і мадэрнізацыя вытворчасцяў крытычных тавараў. Гэта тавары, неабходныя для ўстойлівасці эканомікі, вырашэння сацыяльна-эканамічных задач і забеспячэння нацбяспекі, а таксама якія маюць імпартазамяшчальную накіраванасць і спрыяюць дасягненню тэхналагічнага суверэнітэту.
Дакумент вызначае форму пераліку крытычных тэхналогій і тавараў, а таксама зацвярджае палажэнне аб парадку яго фарміравання і актуалізацыі. Пастанова ўступіла ў сілу пасля афіцыйнага апублікавання.
Релоцировались? Теперь вы можете комментировать без верификации аккаунта.