У беларусаў мінус адна магчымасць атрымаць шэнген

«Паважаныя заяўнікі! Звяртаем вашу ўвагу, што па тэхнічных прычынах Генеральнае консульства Іспаніі ў Маскве не будзе прымаць заявы да далейшага паведамлення. Прыносім прабачэнні за нязручнасці», — гаворыцца ў паведамленні на сайце візавага цэнтра BLS.

Прычыны такога рашэння і тэрміны аднаўлення выдачы віз не ўдакладняюцца. Яно можа быць звязана з тым, што ЕС рыхтуе пакет санкцый, у якім плануе ўзмацніць візавую палітыку ў дачыненні да расіян. Сітуацыя для тых, хто ўжо падаў заяўку або збіраўся ў бліжэйшы час, застаецца нявызначанай.