У беспілотнага таксі Cruise адабралі ліцэнзію ў Каліфорніі праз пагрозу для жыхароў

Ліцэнзія адкліканая на нявызначаны тэрмін. У ведамстве палічылі, што аўтамабілі Cruise, якая належыць General Motors, «уяўляюць неапраўданую пагрозу грамадскай бяспецы».

Канкрэтных прычын такога рашэння ў Дэпартаменце не ўдакладнілі. Але апошнім часам на дарогах горада адбылося некалькі інцыдэнтаў з удзелам беспілотных аўто Cruise. У адным з іх робатаксі пераехала пешахода, якога збіў іншы кіроўца, і спынілася на ім.

Усяго два месяцы таму ўлады штата далі сэрвісу дабро на пашырэнне дзейнасці ў Сан-Францыска, другім па шчыльнасці насельніцтва горадзе ЗША. У прыватнасці, яму дазволілі працаваць кругласутачна. Гэта было зроблена на фоне пратэстаў, у тым ліку з боку мясцовых паліцэйскіх і пажарных, якія скардзіліся, што робатаксі блакуюць дарогу і перашкаджаюць праезду экстранных службаў.

У Сан-Францыска беспілотнік Cruise пераехаў жанчыну і спыніўся на ёй 

Па тэме

У Сан-Францыска беспілотнік Cruise пераехаў жанчыну і спыніўся на ёй

У Cruise пацвердзілі, што прыпыняюць працу сэрвісу ў Сан-Францыска. Таксама кампанія супрацоўнічае з рэгулятарамі ў рамках расследавання па здарэнні з пешаходам. А яе інжынеры працуюць над удасканаленнем сістэмы кіравання робатаксі.

Між тым канкурэнт Cruise і дачка Alphabet — Waymo — працягвае працаваць у горадзе. Таксама яе беспілотны сэрвіс перавозкі пасажыраў ужо тры гады прысутнічае ў Фініксе (штат Арызона). У верасні Waymo заяўляла, што яе беспілотныя таксі бяспечнейшыя за жывых кіроўцаў.

Беспілотнікі Cruise заблакавалі дарогу хуткай, пацыент загінуў

Па тэме

Беспілотнікі Cruise заблакавалі дарогу хуткай, пацыент загінуў