У курса долара ў Беларусі новы гістарычны рэкорд

Долар сёння дадаў 1,09 капейкі, у выніку курс склаў 3,3635 BYN.

Гэта гістарычны максімум. Папярэдні рэкорд быў усталяваны ў кастрычніку мінулага года — 3,3609 BYN.

Амерыканская валюта ў Беларусі пачала даражэць яшчэ ў кастрычніку, а ў першай дэкадзе лістапада стала абнаўляць гадавыя рэкорды. На думку экспертаў, тут адбіваюцца вонкавыя фактары — перш за ўсё, уплыў расійскага валютнага рынку, дзе курс расійскага рубля да долара таксама зніжаўся.