Алеся Чапкевич bel 9 верасня 2026, 12:22

У Літве ўсё менш беларусаў з ВНЖ, але адток меншы, чым год таму

Паводле дадзеных Дэпартамента міграцыі пры МУС Літвы, на пачатак верасня ў краіне налічвалася 47 872 беларусы з відамі на жыхарства ўсіх тыпаў.

Пакінуць каментарый

У Літве ўсё менш беларусаў з ВНЖ, але адток меншы, чым год таму

Паводле дадзеных Дэпартамента міграцыі пры МУС Літвы, на пачатак верасня ў краіне налічвалася 47 872 беларусы з відамі на жыхарства ўсіх тыпаў.

За месяц балтыйскую краіну пакінулі 411 беларусаў з ВНЖ. А за апошнія 12 месяцаў — 3 648 беларусаў.

Апошні год іх становіцца менш прыкладна на тысячу кожны квартал. Але тэмпы, здаецца, запаволіліся.

За студзень–жнівень колькасць беларусаў з ВНЖ у Літве зменшылася на 2 414. Для параўнання, за першыя восем месяцаў 2025 года мінус склаў 5 991 чалавек.

Найбольш беларусаў з ВНЖ у Літве было зафіксавана да 1 красавіка 2024 года — тады паказчык дасягаў 62 844. З таго часу ён падае.

Пры гэтым беларусы застаюцца другой па колькасці групай замежнікаў з ВНЖ у Літве пасля ўкраінцаў, якіх крыху прыбавілася.