Алеся Чапкевич bel 6 жніўня 2026, 10:28

У Мінску выкрылі фінансавую піраміду пад выглядам адукацыйнай анлайн-пляцоўкі

ГУБАЗіК разам з байцамі іншых сілавых ведамстваў спыніў дзейнасць злачыннай групы, якая арганізавала фінансавую піраміду ў Мінску.

2 каментарыя

У Мінску выкрылі фінансавую піраміду пад выглядам адукацыйнай анлайн-пляцоўкі

ГУБАЗіК разам з байцамі іншых сілавых ведамстваў спыніў дзейнасць злачыннай групы, якая арганізавала фінансавую піраміду ў Мінску.

Было ўстаноўлена, што ў 2022 годзе двое маладых мінчан адкрылі фірму, пад прыкрыццём якой стварылі махлярскую схему. З дапамогай нібыта адукацыйнай інтэрнэт-платформы яны знаходзілі грамадзянаў, абяцаючы ім стабільны даход, кар’ерны рост і дадатковыя бонусы.

Для гэтага трэба было купіць камерцыйную ліцэнзію, якая адкрывала доступ да матэрыялаў для прафпадрыхтоўкі і партнёрскаму пакету з нейкай эксклюзіўнай кантрактнай базай. Кошт доступу вар'іраваўся ад $200 да $5 тысяч.

На справе «навучанне» зводзілася да нізкаякасных відэаматэрыялаў, якія не мелі самастойнай каштоўнасці, а абяцаных унікальных кантрактаў і ўвогуле не існавала.

Для прыцягнення новых удзельнікаў выкарыстоўваліся псіхалагічныя маніпуляцыі. Тых, у каго не было грошай, пераконвалі афармляць крэдыты і мікразаёмы. Асноўнай мэтавай аўдыторыяй была моладзь ва ўзросце ад 18 да 24 гадоў.

Больш за 99% грашовых паступленняў фарміравалася за кошт узносаў новых удзельнікаў. Выплаты праводзіліся дзякуючы пастаяннаму прытоку новых кліентаў, а рэальнай прыбытковай дзейнасці арганізацыя практычна не вяла.

Паводле папярэдніх ацэнак, колькасць пацярпелых можа перавысіць 500 чалавек, а агульная сума страт — 2,5 млн рублёў.

Затрыманы два арганізатары і чатыры саўдзельнікі схемы. Падчас вобшукаў былі вынятыя наяўныя грошы, два дарагія аўтамабілі, камп’ютарная тэхніка, мабільныя тэлефоны і бухгалтарская дакументацыя.

Следчыя распачалі крымінальную справу за махлярства ў асабліва буйным памеры. Фігурантам пагражае да 12 гадоў пазбаўлення волі. Расследаванне працягваецца.