У некаторых супрацоўнікаў Wargaming (і не толькі) могуць ануляваць літоўскія дазволы на жыхарства

Кіраўніцтва літоўскага офіса Wargaming пісьмова папярэдзіла супрацоўнікаў аб тым, што Літва можа ануляваць дазволы тых рэлакантаў, хто служыў па кантракце ў войску РБ. Пра гэта паведамляюць незалежныя медыя. 

У лісце адміністрацыі Wargaming гаворыцца, што дваіх супрацоўнікаў дазволу на пражыванне ўжо пазбавілі. Гаворка нібыта ідзе пра афіцэраў і прапаршчыкаў. Ануляванне адбываецца без папярэджання.

Рашэнні аб ануляванні дазволу на пражывання прымае Дэпартамент па міграцыі пры МУС Літвы. Там сцвярджаюць, рашэнне выносіцца зыходзячы з рэкамендацый Дэпартамента дзяржбяспекі.

Wanted. Просім адгукнуцца рэлакантаў у Літве, знаёмых з сітуацыяй. Супрацоўнікаў літоўскага офіса Wargaming — асабліва. Пішыце ў @devby_insight_bot, гэта ананімна.