Алеся Чапкевич bel 9 студзеня 2026, 12:49

У PandaDoc новы СЕО

PandaDoc абвесціў, што сузаснавальнік і генеральны дырэктар стартапа Мікіта Мікада перайшоў на пазіцыю дырэктара па прадукце. Цяпер ён будзе займацца прадуктовай стратэгіяй і роадмапам. Але застанецца ў савеце дырэктараў.

Пакінуць каментарый

PandaDoc абвесціў, што сузаснавальнік і генеральны дырэктар стартапа Мікіта Мікада перайшоў на пазіцыю дырэктара па прадукце. Цяпер ён будзе займацца прадуктовай стратэгіяй і роадмапам. Але застанецца ў савеце дырэктараў.

Мікада патлумачыў перастаноўку тым, што стартап расце. Кажа, што ў якасці CPO прынясе больш карысці і зможа вывесці прадукт на новы ўзровень.

Пасаду СЕО заняў Кіт Рабкін. Ён прыйшоў у PandaDoc больш за 3 гады таму як дырэктар па даходах, пазней стаў прэзідэнтам. Паводле словаў Мікады, Рабкін разумее кліентаў, бізнес і культуру стартапа і сыграў ключавую ролю ў яго ўладкаванні. У новай ролі Рабкін будзе адказваць за функцыянаванне кампаніі, рост і доўгатэрміновую стратэгію.

Сузаснавальнік Сяргей Барысюк застаецца тэхнічным дырэктарам PandaDoc.

У 2026 годзе кампанія рыхтуе буйныя прадуктовыя абнаўленні з акцэнтам на аўтаматызацыю, штучны інтэлект і працу з дакументамі для бізнесаў, што растуць.