У Telegram цяпер можна рэгістравацца без сім-карт
У карыстальнікаў Telegram з’явілася магчымасць зарэгістраваць акаўнт у праграме не з дапамогай сім-карт, а віртуальных нумароў, купіць якія можна на платформе Fragment.
«Сёння пачынаецца новая эра канфідэнцыйнасці: акаўнт у Telegram цяпер можна зарэгістраваць без сім-карты, скарыстаўшыся ананімнымі нумарамі на базе блакчэйну», — адзначыла каманда месенджера.
На гандлёвай пляцоўцы Fragment, пабудаванай на базе блакчэйну TON, ужо можна купляць і прадаваць незвычайныя нікнэймы, а цяпер дадаліся віртуальныя нумары. Карыстальнік можа або набыць унікальны нумар на аўкцыёне, або выпадковы, заплаціўшы за яго 9 TON (каля $16).
Раней Павел Дураў расказаў, што абарот пляцоўкі менш чым за месяц склаў $50 млн, а сам Telegram за пяць месяцаў набраў мільён платных падпісчыкаў.
Читать на dev.by